ސުވާލު: އަޅުގަނޑު ނަމާދުކުރާ މިސްކިތުގައި ވިތުރި ނަމާދު ކުރަނީ ތަރާވީޙު ނަމާދުކުރާ އިމާމެއް ނޫނެވެ. މި ޙާލަތުގައި އަޅުގަނޑު އިމާމާއެކު އިމާމާ ނިމެންދެން ނަމާދުގައި ބައިވެރިވިކަމަށްވާނީ ވިތުރި ނިމެންދެން ބައިވެރިވުމުންތޯ ނުވަތަ ފުރަތަމަ އިމާމާ ނިމެންދެން ބައިވެރިވުންތޯ؟
ޖަވާބު: الـحَـمْدُ للهِ وَالصَّلَاةُ وَالسَّلامُ عَلَى رَسُولِ اللهِ
ނަބިއްޔާ ޞައްލަﷲ ޢަލައިހި ވަސައްލަމަގެ ޙަދީޘްފުޅު
مَنْ قَامَ مَعَ الإِمَامِ حَتَّى يَنْصَرِفَ كُتِبَ لَهُ قِيَامُ لَيْلَةٍ – رواه الترمذي (806) وصححه وأبو داود (1375) والنسائي (1605) وابن ماجه (1327) . وصححه الألباني في “صحيح الترمذي” .
“އިމާމާއާއެކު އޭނާ ނިމެންދެން (ޖަމާޢަތުގައި) ނަމާދުކޮށްފިމީހާ އަށް މުޅިރޭ އަޅުކަންކުރުމުގެ ޘަވާބު ލިޔުއްވޭ ހުއްޓެވެ.” ގެ މުރާދަކީ ޖަމާޢަތް ނިމެންދެން ބައިވެރިވުމެވެ. ކިތަންމެ ގިނަ އިމާމުން ބަދަލުވިކަމުގައިވިޔަސް މެއެވެ.
واللهُ أَعْلَمُ
